Pinterest • O catálogo de ideias do mundo todo

Explore Maio, Conformado e muito mais!

O noso maio con forma de peregino.

Traballo, oficios e crenzas populares dos nosos antergos / Narciso Luaces Pardo Publicación Noia : Toxosoutos, D.L. 2013

Flores e herbas aromáticas para facer os maios.

A razón de que este libro se publique é ben coñecida de todos os galegos e de moitos que non o son: en 1863, na cidade de Vigo, no Establecimiento Tipográfico do editor Juan Compañel, o libro "Cantares gallegos - poemario auroral-, de Rosalía de Castro de Murguía, saíu do prelo. É o sesquicentenario dos Cantares gallegos o que xustifica esta nova homenaxe a quen continúa a ser mito e símbolo para todos nós: Rosalía

.Focalizada dende unha perspectiva na que Galicia constitúe ou seu propio centro, e cunha clara intención divulgativa, esta Historia de Galicia de Anselmo López Carreira recolle e sintetiza ás achegas proporcionadas polo conxunto de historiadores que ofrecen ao país unha imaxe coherente de se mesmo e pretende ser un elemento útil na construción desta comunidade de convivencia que é a nación galega.

A idea de facer este libro parte da importancia de amosar a riqueza simbólica descoñecida e proxectada ata hoxe dende tempo inmemorial, de evidenciar o deterioro que ano sofre este importante legado patrimonial galego esmorecente (algúns dos símbolos recollidos neste traballo non existen na actualidade), e a posible preservación dos que aínda sobreviven e que están nun ameazante perigo, polo que ésta é unha chamada de atención á sensibilidade desde unha perspectiva humilde e de compromiso.

"O pasado nunca pasa, Ourense” é a continuación dunha colección de libros iniciada coa publicación deste mesmo título e que tivo á cidade de Santiago de Compostela como contido exclusivo. Esta publicación recolle unha seleción de preto de dous mil fotografías sobre Ourense, da segunda metade do século XX amosando a súa realidade e evolución.

O presente continuo é o tempo verbal do permanente correr, aparentemente inapreixable porque en canto se toca, convértese automaticamente en pasado. Mais se cadra hai xeitos de apreixalo, de abrazalo, de entendelo nun contexto. A través dos ecos de gravacións, que foron nun momento o inmediato e que de socate volven e forman ondas novas de presente. Presente continuo é esa gravación atopada no camiño por quen viviu e se detén a esculcar.

A figura de Diego Xelmírez, con ser tan senlleira e mesmo única na Historia de Galicia, goza dunha irregular fama. A súa executoria histórica reúne en si mesma, a partes iguais, tanto de grandeza como de maldición. Non deixou indiferente a ningún dos seus estudosos, pero tampouco os seus coetáneos inmediatos lle gardaron fidelidade.

Simón Varela, arquitecto, é un reputado especialista en construción de galiñeiros, chiringuitos de praia e outras chapuzas polo estilo. A súa fina ironía e o seu instinto para sobrevivir son os seus dous puntos fortes. Por iso, un encargo de restauración na leira dunha das familias máis poderosas e turbias de Vigo resúltalle tan sorprendente como alarmante.